കേരള സ്റ്റേറ്റ് സർവ്വീസ് പെൻഷനേഴ്സ് യൂണിയൻ അളഗപ്പനഗർ യൂണിറ്റ് കൺവെൻഷൻ

കേരള സ്റ്റേറ്റ് സർവ്വീസ് പെൻഷനേഴ്സ് യൂണിയൻ അളഗപ്പനഗർ യൂണിറ്റ് കൺവെൻഷൻ

അളഗപ്പനഗർ യൂണിറ്റ് കൺവെൻഷൻ 2015 ജൂലൈ 7 ചൊവ്വ രാവിലെ 9-30ന്‌ വെണ്ടോർ മഞ്ഞളീസ് ഓഡിറ്റോറിയത്തിൽ വെച്ച് ബഹു: കൊടകര ബ്ളോക്ക് പഞ്ചായത്ത് പ്രസിഡന്റ് ശ്രീ വി. എസ്. ജോഷി ഉദ്ഘാടനം ചെയ്തു.



 

 

യൂണിറ്റ് പ്രസിഡന്റ് ശ്രീ കെ. എസ്. രാമചന്ദ്രൻ അദ്ധ്യക്ഷനായിരുന്നു.



 

ലീല ടീച്ചറുടെ കർണ്ണാനന്ദകരമായ പ്രാർത്ഥനാ ഗാനത്തോടെയാണ്‌ യോഗം ആരംഭിച്ചത്. സെക്രട്ടറി പി. ശിവദാസ് മാസ്റ്റർ സ്വാഗതം ആശംസിച്ചു.

 

 

നാനിക്കുട്ടി മാരസ്യാർ, കെ. ഭാസ്കരൻ മേനോൻ, വി. നാണു നായർ എന്നിവരുടെ നിര്യാണത്തിൽ അനുശോചനം രേഖപ്പെടുത്തി. ശ്രീ കെ. സുകുമാരനാണ്‌ അനുശോചന പ്രമേയം അവതരിപ്പിച്ചത്.

പ്രശസ്ത വിജയം കരസ്ഥമാക്കിയ വിദ്യാർത്ഥികൾക്ക് ട്രോഫിയും കാഷവാർഡും നല്കി അളഗപ്പനഗർ ഗ്രാമപഞ്ചായത്ത് പ്രസിഡന്റ് ശ്രീമതി കെ. രാജേശ്വരി അനുമോദിച്ചു.

പെൻഷൻകാരുടെ കാലിക പ്രശ്നങ്ങളെക്കുറിച്ച് കെ.എസ്. എസ്. പി. യു. ജില്ലാ വൈസ് പ്രസിഡന്റ്  ശ്രീ ജോയ് മണ്ടകത്ത് പ്രഭാഷണം നടത്തി. 

 

 

കെ. എസ്. എസ്. പി. യു. അളഗപ്പനഗർ യൂണിറ്റിൽ പുതിയതായി ചേർന്ന അംഗങ്ങൾക്ക് അംഗത്വ വിതരണം നല്കുന്ന ചടങ്ങായിരുന്നു പിന്നീട് നടന്നത്.

നവാഗതരെ കൊടകര  ബ്ലോക്ക് കെ. എസ്. എസ്. പി. യു. പ്രസിഡന്റ് ശ്രീമതി എം. കെ. ശാന്തകുമാരി ടീച്ചർ പൂച്ചെണ്ടു നല്കി സ്വീകരിച്ചു.

പ്രശസ്തവിജയം കൈവരിച്ച വിദ്യാർത്ഥികളെയും, പെൻഷൻ കുടുംബത്തിലെ നവാഗതരെയും, പെൻഷൻകാരുടെ ക്ഷേമകാര്യങ്ങളിൽ ഗുണാത്മകമായ പ്രവർത്തനം കാഴ്ചവെക്കുന്ന അളഗപ്പനഗർ യൂണിറ്റിനും ആശംസകൾ നേർന്നുകൊണ്ട് ശ്രീമതി സി. എ. മേരി ടീച്ചർ ( കൊടകര ബ്ളോക്ക് പഞ്ചായത്ത് അംഗം), ശ്രീ പി. വി. ചാക്കുണ്ണി (കെ.എസ്. എസ്. പി. യു. ജില്ലാ അംഗം), ശ്രീ പി. എസ്. ഗിരിജാവല്ലഭൻ (കെ.എസ്.എസ്.പി.യു. കൊടകര ബ്ളോക്ക് വൈസ് പ്രസിഡന്റ്) എന്നിവർ സംസാരിച്ചു.

പെൻഷൻ കുടുംബത്തിലെ അംഗങ്ങളുടെ കലാപരിപാടികളും അരങ്ങേറി. ശ്രീ ഇ. വി. ലോനപ്പൻ മാസ്റ്റർ. ശ്രീ എം. ഡി. ജോർജ്ജ്, ശ്രീ എം. ഐ. ലോനപ്പൻ മാസ്റ്റർ എന്നിവരുടെ ഗാനങ്ങൾ സദസ്യരെ ആനന്ദത്തിലാറാടിച്ചു.

യോഗത്തിൽ ട്രഷറർ ശ്രീ കെ. പി. ജോർജ്ജ് മാസ്റ്റർ നന്ദി പറഞ്ഞു.

 

 

തുടർന്നു വിഭവസമൃദ്ധമായ സദ്യയും ഉണ്ടായിരുന്നു.

 

അംഗങ്ങളുടെ പങ്കാളിത്തം, സംഘാടന മികവ് എന്നിവയാൽ യൂണിറ്റ് കൺവെഷൻ വൻ വിജയമായിരുന്നു എന്ന് മേൽഘടകങ്ങളിൽ നിന്നുള്ള നിരീക്ഷകർ വിലയിരുത്തി.