“നാം ഒരു കുടുംബം” (കുടുംബ സംഗമം 2015)
ശ്രീ / ശ്രീമതി................................................................................................. അവർകൾക്ക്
പ്രിയമുള്ളവരേ,
ഏതൊരു സംഘടനയുടെയും ശക്തി
അതിലെ അംഗങ്ങളുടെ എണ്ണത്തേയും അർപ്പണ മനോഭാവ ത്തേയും അവരുടെ അവകാശങ്ങൾ, കടമകൾ
എന്നിവയെക്കുറിച്ചുള്ള അവബോധത്തേയും ആശ്രയിച്ചിരിക്കുന്നു. പെൻഷൻ സംബന്ധമായ കാര്യങ്ങളിൽ കൃത്യമായ അവ ബോധം
നമ്മുടെ സംഘടനയിലെ മുഴുവൻ അംഗങ്ങൾക്കും അവരുടെ കുടുംബാംഗങ്ങൾക്കും ഉണ്ടാകേണ്ടത്
അനിവാര്യമാണ്. പെൻഷൻ നിയമങ്ങൾ, നടപടിക്രമങ്ങൾ എന്നിവ ബോദ്ധ്യപ്പെടുത്തി, അവകാശങ്ങളും ആനുകൂല്യങ്ങളും നേടിയെടുക്കുവാൻ അവരെ
പ്രാപ്തരാക്കേണ്ടിയിരിക്കുന്നു. കുടുംബയോഗങ്ങൾ വഴി മാത്രമെ ഇത്തരമൊരു ലക്ഷ്യം
കൈവരിക്കുവാൻ നമുക്ക് സാധിക്കുകയുള്ളു.
അംഗങ്ങൾ തമ്മിലുള്ള ആത്മീയ ബന്ധവും ഐക്യവും കുടുംബയോഗങ്ങളിലൂടെ
ദൃഢവത്കരിക്കുമ്പോൾ സംഘടനാ പ്രവർത്തനങ്ങൾ സുഗമവും ലക്ഷ്യം കാണുന്നവയുമായിത്തീരും.
കെ. എസ്. എസ്. പി. യു.
അളഗപ്പനഗർ യൂണിറ്റ് മേഖലാതലങ്ങളിലൊരുക്കുന്ന കുടുംബ സംഗമങ്ങളിൽ
അതാതു മേഖലകളിലെ മുഴുവൻ പെൻഷൻകാരും അവരുടെ കുടുംബാംഗങ്ങളും സജീവമായി പങ്കെടുത്ത്
സംഘടനയുടെ അടിത്തറ ഭദ്രമാക്കുക. കെ.എസ്.എസ്.പി.യു. വിന്റെ മുദ്രാവാക്യം ഓർക്കുക:
“നാം ഒരു കുടുംബം”. ജാതി, മത, വർഗ്ഗ, രാഷ്ട്രീയ സമ്മർദ്ദങ്ങൾക്കു വിധേയരാകാതെ, ഒരൊറ്റ കുടുംബമായി അതിന്റെ നന്മക്കായി നമുക്ക്
പോരാടാം. അതിനുള്ള തുടക്കമാണീ
കുടുംബയോഗങ്ങൾ.
ഈ കുടുംബസംഗമങ്ങൾ സംഘടനയുടെ
ലക്ഷ്യപ്രാപ്തിയിലേക്കുള്ള ചൂണ്ടുപലകകളാകട്ടെ. ഈ കുടുംബ സദസ്സിനെ താങ്കളുടെയും
കുടുംബാംഗങ്ങളുടെയും മഹനീയ
സാന്നിദ്ധ്യത്താൽ സമ്പന്നമാക്കുവാൻ സാദരം അഭ്യർത്ഥിക്കുന്നു.
സ്നേഹാദരങ്ങളോടെ,
പി. ശിവദാസ്
മാസ്റ്റർ (സെക്രട്ടറി)
കെ. എസ്. രാമചന്ദ്രൻ (പ്രസിഡന്റ്) കെ. പി. ജോർജ്ജ്
മാസ്റ്റർ (ട്രഷറർ)
മേഖല :
……………………………………………………………………………...
കുടുംബ സംഗമ വേദി : ……………………………………………………………………………...
……………………………………………………………………………...
തിയ്യതിയും സമയവും : ……………………………………………………………………………...
